آذر
یازان : آذر . پورپیغمبر دامین چوروموش قاپیسینین قاباغیندا بیر تهر کی اطرافدان گؤروکمه یم اوتوردوم اینشاللاه بو خسته‌لیک ده گئده‌جک.گئجه هامی یوخودا اولارکن آیاغیمی دره-دره داما گئتدیم.عماد رام ین ناوارینی قویدوم.او دا سانکی کرونا توتموشدو.سسی خیش-خیش ائله‌ییب اؤسکوروردو. -سن کی همشه کالسان.باشون یالنیز کیتابلاردادیر.هئچ یئردن خبرین یوخدو. https://t.me/Adabiyyatsevanlar
چئویره ن تورکی دیل ایله : سحر خیاوی
بو قاپینی ایتی کولَکلر اوتوز ایل بوندان قاباقدان چوروتموشدولر
جیریقلارینا سیخیم-سیخیم سیمان قویارکن آشماغینا ایذین وئرمه‌میشدیک.چادیرا و چرقَدسیز اوتوردوم
بیزیم دامین قارشیسیندا کی ائولر چوخلوق بلدیه اداره‌سیندن ایذینسیز دوزلمیشدیلر.اونلار پنجره‌لریندن بیزیم ائوین ایچینی ده گوره بیلردیلر.
پرده‌لری چکمه‌سیدیم، یوخو گؤرمه‌ییمیز بئله آغیزلاردا چئینه‌نردی.
من اوز ائویمده چادیرا و چرقدسیز دولانماغا حاقلی ایدیم!
بیرینجی:
قاینانامین چادراسینی گرک ائوین آلت قاتیندان گتیریب اورته‌یدیم.کیمین بو ایشه حوصله‌سی وار ایدی؟
چرقده ده کی گرک مین دویون وورایدین!
البته اسپورت بولوزوم و بوز ایدمان شالواریم گووده‌می کیشی سایاق گوستریردی.آت قویروغو کیمی باغلادیغیم ساچلاریم اولماسایدی ، گئندن گوره‌ن منی دامدا قادینینا پالتار سرمکده کؤمک ائدن بیر کیشی ساناردی.
داملارینین گویرچینلری،یئنه دامین هئره‌سینده اوتورموشدولار
بوردان کی من باخیردیم آق گویرچینلر بیر ساریمساق کولو بویدا گوروکوردیلر.قارالاری ایکی اوچ دنه‌یدی.آلچاق دووارلی بیر حیط لری واریدی.اؤزو اولمایاندا،ارینین باشینی بیر قارا نوخود بویدا،حیطده اویان-بویانا گئدرکن گوروردوم.بلکه گویرچینلری یووالارینا سالیردی.
بیر ربع سونرا اؤزو ده گلدی.یئنه آغ گوللو چادیرا باشینا اورتموشدو.
اوزونو یاخشی گورموردوم.یالنیز باشی و الینین دبرتمه‌سی ایله منی اشاره‌یله سالاملاییردی.
نه دن من داما گلدیکده اودا گلمه‌سینین سببی نی بیلمک ایستیردیم.یا مثلن نئچه اوشاقی وار؟ او داملاری گویرچینلی قادینین آدینی بیلمک ایستیردیم.
پاییز و قیش اوزونو شریتلرینده اَرینین پالتاریندان باشقا پالتار اولموردو.بیر شالوار،ایکی قارا کُت و بیر کؤهنه قهوه رنگی پالتو!حتمن اوشاقلاری دا یوخ ایدی.قادین اولدوغونا اؤز پالتارینی دا قاپی-قونشو گؤزونون قاباغیندا قوروتموردو.بلکه ده اَری قویموردو.حتمن من قادین اولدوغوما خاطیر قلبی قارا اَری ائیوانا گلمه‌یه ایذین وئریردی.
گئجه‌لر ده گلیردی.امما اوزو هئچ واخت گوروکموردو.آغ چادیرادا روح کیمی گلیردی.قارشیمدا اوتوروردو.ترپنمه‌دن منه باخیردی.باخیشینین بویاسینی دا بیلمیردیم.بیر کره آیاغا دورارکن چادیراسینین آلتیندان بیر قلم دوشدو.”بیک”ایدی.قلمین نه دردینه دیمه‌سینی بیلمیردیم.آمما بیک قلمینی اوزاقدان گلن آذان سسی کیمی تانییردیم!
او تاپیلمامیشدان اؤنجه،آخشاملار قارانلیقدا بیر پتو سالیب،بیر بالیش آتیب دووارا سؤیکه‌نیردیم.اوتورموش یوخسا اوزانمیش حالدا اسکی نوارلارا اریمین طلبه‌لیکدن قالمیش سونی ضبطیندن قولاق آسیردیم.یوخسا کیتاب اوخویوردوم.او زامان تاب گئییردیم.امما او تاپیلاندان و منه دونوخموش حالدا باخاندان،قادین اولدوغونا رغمن اؤزومو گوزلریندن گیزلَدیردیم.قارا اوزون قوللو،یاخاسی باغلی اسپورت بلوز گئییردیم.ترله‌ییردیم امما اونون آزارسیز باخیشلاری منه ساکینلیک وئریردی.
اؤزومه دئییردیم:بلکه اری ایله اوره‌ک بیر دئییل.بوردا تنهالیغیندا تانریسیلا خلوت ائله‌ییر.اوره‌ک سوزلرینی تانریسینا آچیر.
اری ده موطلق داما گلمیردی.حتمن منیم چرقدسیز اولدوغومو اونا دئمیشدی.امما اوزو حتمن او قورو دینچی‌لردن ایدی.چونکو چادیراسیندان تکی گؤزلری گوروکوردو.
منیم اریم ده اونو گؤزتله‌ییب داما گلمیردی.حتمن او بونو بیلمیردی.
اریمه اونون چادیرایلا داما گلدیینی و اشاره‌یله منه چای تعارف ائتدیینی دئدیم.دئدی:
-یاخشی یولداش تاپیبسان.امما قادین اولدوغوندا چوخ کوبود دیر.
-سن اونو گوروبسن می؟!
-هه.رسیملرینده گورموشم.
-امما تکی او داما گلمیر.آمنه ده گلیر.اریله گلیب تور آلتیندا یاتیرلار.
-سن هاردان بیلیرسن؟!
-سسلرینی ائشیدیرم.
کورونا گلندن داما گئتمک ده یادیمدان چیخدی.تکی بیر دفعه بالاجا فرشلری اوردا یودوم بلکه قرنطینه دن سونرا یئنه بوساطیمی دوشه‌ییم.عماد رام و بنان ین نوارلارینی دا اوسته قویدوم.
قیزیم منی دانلاماغا باشلادی:
هاوا بولاشیق دیر آناجان.آلدانما.بیزیم ساغلاملیغیمیز اوچون ده اولسا دامی اونوت سنی تانری.شاعیرلیگین توتماسین.کورونادیر شوخلوق گوتورمز.
بیز ده داما گئدیب تار-گیتار چالماغین خئیریندن کئچمیشیک.
سونرا منیم اوره‌ییمی اله آلسین دییه:
-دوغروسو من ده او تانینماز یولداشینا داریخیرام.
حتمن اونون دا قرنطینه ده اوره‌یی شیشیب.
گویرچینلری...وااای نه گوزل ایدیلر!! شکیل‌لرینی چکیب،رسیم ده چکمیشدین.
-هانسی گویرچینلر؟
-اَه.سن ده آلزایمر توتوبسان لاپ…دوستون.اونودوبسان؟! دامدا کی دوستون.گئجه لر داما گلیب چای ایچیردی.اشاره‌یله سنله سلام خودافیظ ائله‌ییردی.
-یادیما دوشدو.هه من ده اونا چوخ داریخمیشام.
پاییز و سویوق دوشَندن گورمه‌میشم اونو.
-آنا جان دئدیم ها.داما چیخدی یوخدو.کرونا گئتمه‌یینجه بوساطینی حیطده دؤشه.پالتارلاری دا حیطده سَر.هاوا ایستی‌لشسه
حتمن ایچینه توز-تورپاق کئچمیشدی.
ایشیقلی گئجه‌‌یدی.آی بوتون ایدی.بیر آن دا گوزوم اونون یئرینه ساتاشدی.چادیرالی قادین اوتوران دامین یئری بوش ایدی.
گویرچینلری نئجه اولموشدولار؟!
سانکی اوردا بیر بُمب پارتلامیشدی.
او ائوین یئرینده آلتی یئددی طبقه گؤی دَلَن سالمیشدیلار.تالارین آدینی قیرمیزی و یاشیل حرکتلی نئونلا باشدا یازمیشدیلار.”دام تالاری”.
قادینین ایشیقلی روحو بولودلارین اوستونده گؤزومده جانلاندی.گؤرمه‌دیگیم اوزونو سانکی آی‌دا گوردوم.
ناهاردان سونرا بازاردان گلرکن آمنه نی گوردوم.
-کومک ائله‌ییم؟-دئدی.
-یوخ کرونانی منه سالما.کومک پئشکشین اولسون.ماسکالارین آلتیندا کی گولوشلریمیز گولوشه یوخ،قورخو و نیگارانلیقدان هیچقیرماغا اوخشادی.
-نه خبرلر؟داها داما گلمیرسینیز؟میغ-میغا تورونوزو قورمورسینیز؟شئیطانجا بیر گؤز ده ووردوم.
-تانرینین لعنتینه گلسین.
-کیم؟!
-او قوشباز گَده دا !!!
-چورویه‌سن! دئه گوروم نه اولوب آخی؟!
-بابا او قوشباز گده آخشاملار ننه‌سینین چادراسینی باشینا اؤرتوب هر یئره باخیرمیش.من اؤلوم ائشیتمه‌ییبسن؟!
اوره‌ییم تاپپیلتی یا دوشدو.
-هه بیر ناغیل دا “دُم اسب” آدیلا یازیب.دئییرلر…
نیگران اویان-بویانا باخیب آردینی توتما‌دی.
وجیهه قالین ماسکا اوزونده اوزاقدان گلیردی.اللرینده ده جراحلیق الجه‌یی واریدی…
آمنه گوله-گوله:جبهه‌یه گئدیر.-دئدی.
اوغلو بابک اَسمانی بینمه‌میشدی.
آمنه:اَسما ایندی اداره دن گلر.قاچیم ناهارین قیزدیریم دئدی.
اوزگون آیاقلارلا دالیسیجا گئتدیم.
-من ده یازیرام دئدیم.
-گیج!او کیشی ایمیش.اسلحه‌سی ده واریمیش….سندن خوشو گلیب.سن اوخویوب، یازیب، رسیم چکرکن سنی ایزله‌ییرمیش.داها ساچلارینی” دم اسبی ” توتما.قیسالت.
رددینی توتوبلار.
وجیهه سالامسیز بویروموزدن سووشدو.
آمنه یاواشجا:
بلدیه اداره‌سی ائوینی ، قیشدا سوکوب پاساژ ائله‌دی.
| طراحی: پارس اسکین - پیاده سازی: شرکت داده تجارت |
